Technegwyr Labordy a Gwyddoniaeth Lefel 4 (Prentisiaeth Uwch)
Trosolwg
Ydych chi’n angerddol am wyddoniaeth ac yn awyddus i lansio’ch gyrfa mewn amgylchedd labordy deinamig, gyda’r nod o ddod yn Dechnegydd Gwyddoniaeth Cofrestredig (RSciTech)?
Mae’r llwybr prentisiaeth hwn yn ddelfrydol ar gyfer Technegwyr Labordy uchelgeisiol, gan roi’r cyfle i chi ennill profiad ymarferol amhrisiadwy yn uniongyrchol o fewn amgylchedd labordy proffesiynol. Byddwch chi’n datblygu sgiliau hanfodol, yn cyfrannu at brosiectau byd go iawn, ac yn ymgolli yn y diwydiant o’r diwrnod cyntaf, a hynny i gyd wrth adeiladu’r portffolio sydd ei angen ar gyfer statws RSciTech.
Byddwch yn cwblhau’r cymwysterau canlynol fel rhan o’r fframwaith prentisiaeth:
- Pearson BTEC Lefel 4 Tystysgrif Genedlaethol Uwch mewn Gwyddoniaeth Gymhwysol (Cemeg)
A
- NVQ Lefel 4 mewn Gweithgareddau Labordy a Thechnegol Cysylltiedig.
Gwybodaeth allweddol
Tystysgrif Estynedig Genedlaethol Lefel 3 mewn Gwyddoniaeth Gymhwysol, Dipoloma Sylfaen Genedlaethol Lefel 3 mewn Gwyddoniaeth Gymhwysol, o leiaf ddau gymhwyster Safon UG (gan gynnwys pwnc Gwyddoniaeth a/neu Mathemateg).
Bydd y Dystysgrif Genedlaethol Uwch mewn Gwyddoniaeth Gymhwysol (Cemeg) yn cwmpasu’r pynciau canlynol:
- Hanfodion Technegau Labordy
- Dulliau a Thechnegau Trin Data Gwyddonol
- Cemeg Anorganig
- Cemeg Organig
- Rheoleiddio ac Ansawdd yn y Gwyddorau Cymhwysol
- Cemeg Ffisegol
- Ymchwiliad Seiliedig ar Waith
- Cemeg Ddadansoddol.
Bydd y cymhwyster NVQ mewn Gweithgareddau Labordy a Thechnegol Cysylltiedig yn cwmpasu’r pynciau canlynol:
- Datblygu a chynnal amgylchedd gwaith iach a diogel ar gyfer gweithgareddau gwyddonol neu dechnegol
- Sicrhau prosesau a gweithdrefnau ansawdd ar gyfer gweithgareddau gwyddonol neu dechnegol
- Cynnal cysylltiadau gwaith effeithiol ar gyfer gweithgareddau technegol.
Byddwch chi hefyd yn astudio sgiliau hanfodol (Lefel 2) mewn Cymhwyso Rhif, Cyfathrebu a Llythrennedd Digidol.
Gall prentisiaid llwyddiannus symud ymlaen i gymwysterau pellach neu gyrsiau Addysg Uwch. Cydnabyddir y brentisiaeth, gyda datblygiad proffesiynol parhaus, i statws Technegydd Gwyddoniaeth Cofrestredig (RSciTech).
Gall swyddi technegydd labordy sy’n berthnasol fod mewn labordai mewn amrywiaeth o feysydd ymchwil (e.e. bioleg, fferyllol, deunyddiau), neu labordai profi mewn ysbytai, monitro amgylcheddol, neu sefydliadau addysgol.
Gall cwblhau’r cwrs arwain at gyflogaeth fel:
- Technegydd Labordy e.e. ysgol, prifysgol, ysbyty, labordy diwydiannol
- Goruchwyliwr/Rheolwr Labordy
- Cemegydd Dadansoddol
- Technegydd Ymchwil
- Technegydd Labordy Clinigol
- Technegydd Monitro Amgylcheddol.