Newyddion y Coleg

Myfyriwr Tai o Goleg Gŵyr Abertawe yn ennill teitl Dysgwr y Flwyddyn DU CIH

Mae Dawne Meynell-Western, myfyrwraig a astudiodd gwrs Tai yng Ngholeg Gŵyr Abertawe wedi cipio teitl Myfyriwr y Flwyddyn 2025 y Sefydliad Tai Siartredig. Mae’r wobr genedlaethol yn cydnabod rhai o ddysgwyr gorau’r DU sy’n astudio mewn canolfannau CIH.

Dyma'r tro cyntaf i Sefydliad Dyfarnu CIH gynnal y gystadleuaeth. Bwriad y digwyddiad yw cydnabod myfyrwyr sydd nid yn unig wedi rhagori yn academaidd ond sydd hefyd wedi goresgyn heriau personol neu wedi gwneud yn dda iawn yn eu gweithle, canolfan astudio neu gymuned.

Gwledd i’r llygaid!

Yn ddiweddar, cynhaliodd myfyrwyr celf talentog Safon Uwch arddangosfa o’u gwaith ar Gampws Gorseinon.

Roedd yn cynnwys myfyrwyr celfyddyd gain, ffotograffiaeth, tecstilau a dylunio graffig (cyfathrebu).  

Roedd yr achlysur hefyd yn gyfle i wobrwyo’r myfyrwyr gorau o bob maes.

Addysg Bellach yng Nghymru: sector sy’n trawsnewid bywydau

Gan Mark Jones MBE, Prif Swyddog Gweithredol, Coleg Gŵyr Abertawe 

Mae’r wythnos hon yn nodi diwedd taith 20 mlynedd i mi – dau ddegawd o wasanaethu fel Prif Weithredwr / Pennaeth mewn dau goleg Addysg Bellach (AB) gwahanol, ond yr un mor ddeinamig, yn ne Cymru. Wrth i mi gamu yn ôl, rwy’n ddiolchgar iawn ac yn parhau i gredu yng ngrym a photensial colegau addysg bellach.

Yr hyn sy’n fy nharo fwyaf yw pa mor bell y mae’r sector Colegau wedi dod a’r effaith y mae hyn yn ei chael bob dydd.

AB heddiw: y gofod mwyaf amrywiol mewn addysg

Hetiau Caled a Choffi Cynnes: Brecwast Amgylchedd Adeiledig

Ydych chi’n rhan o’r sector adeiladu ac yn chwilio i achub y blaen ar eraill o fewn y diwydiant? Ymunwch â ni ar gyfer Hetiau Cales a Choffi Cynnes, digwyddiad arbennig wedi’i gynllunio i helpu cyflogwyr archwilio cyfleoedd hyfforddiant a phrentisiaethau sydd ar gael yng Ngholeg Gŵyr Abertawe trwy rwydweithio â chydweithwyr eraill o fewn y diwydiant.  

Coleg yn ennill yng Ngwobrau Hyfforddiant Prydain 2025!

Mae Coleg Gŵyr Abertawe yn falch o gyhoeddi iddo gael ei enwi yn enillydd yng Ngwobrau Hyfforddiant Prydain 2025.

Mae Gwobrau Hyfforddiant Prydain yn ymgyrch flynyddol sy’n mynd ati i ddarganfod a dathlu’r timau a’r unigolion sy’n wirioneddol angerddol am rôl dysgu a datblygu wrth adeiladu gweithlu ffyniannus.

“Rydyn ni wrth ein boddau o fod wedi ennill gwobr Menter y Sector Cyhoeddus am ein ffocws parhaus ar hyrwyddo ymwybyddiaeth o’r menopos yn y gweithle,” meddai Sarah King, Dirprwy Bennaeth Pobl a Lles.

Cyn-fyfyriwr Chwaraeon yn ymuno â’r Elyrch

Mae cyn-fyfyriwr Coleg Gŵyr Abertawe Caleb Demery wedi arwyddo cytundeb blwyddyn gyda Chlwb Pêl-droed Dinas Abertawe.

Roedd Caleb ar y llyfrau yn Academi Dinas Abertawe cyn gadael pan oedd yn nhîm dan 13. Nawr, ar ôl dau dymor yn uwch dîm Llansawel, mae’n ailymuno â’r clwb ar ôl treial llwyddiannus ddiwedd y tymor diwethaf.

Cyfle profiad gwaith ymarferol i Kian

Yn ddiweddar, mae myfyriwr Coleg Gŵyr Abertawe Kian Lewis-Edwards wedi cwblhau aseiniad profiad gwaith pedwar diwrnod gyda Kier lle enillodd ddealltwriaeth ymarferol o’r diwydiant adeiladu nad yw’n cael ei dysgu yn yr ystafell ddosbarth. 

Mae’r Coleg yn gweithio mewn partneriaeth â Kier i ymgymryd â phrosiect ailddatblygu gwerth £20.6 miliwn ar Gampws Gorseinon, gyda chymorth Rhaglen Cymunedau Dysgu Cynaliadwy Llywodraeth Cymru.

Taith i Tsieina yn ehangu gorwelion i staff a myfyrwyr

Mae grŵp o 10 myfyriwr wedi cymryd rhan yn nhaith gyntaf erioed Coleg Gŵyr Abertawe i Tsieina.

Wedi’i threfnu gan Swyddfa Ryngwladol y Coleg gyda chymorth gan Taith (a ariennir gan Lywodraeth Cymru), fe wnaeth y myfyrwyr - sydd i gyd yn dilyn rhaglen gyfoethogi academaidd Anrhydeddau CGA - ymweld ag Ysgol Arbrofol RCF yn Beijing ac Ysgol Ryngwladol Huamei yn Guangzhou.  

Ysgol Fusnes Plas Sgeti yn croesawu aelodau newydd o’r bwrdd cynghori

Mae Ysgol Fusnes Plas Sgeti, rhan o Goleg Gŵyr Abertawe, yn falch o gyhoeddi ehangiad ei Bwrdd Cynghori gan ychwanegu chwe aelod deinamig newydd:

Luciana Ciubotariu, Prif Weithredwr y Porthladd Rhydd Celtaidd, prosiect sy’n cwmpasu porthladdoedd Aberdaugleddau a Phort Talbot ac yn cynnwys datblygiadau ynni glân ac asedau arloesedd, terfynfeydd tanwydd, gorsaf ynni, peirianneg drom a’r diwydiant dur ar draws de-orllewin Cymru.

Yng Nghwmni Hayley Szymonski - Pennaeth Dylunio, Corgi Socks

Mae dewis y llwybr iawn ar ôl coleg yn gallu bod yn gyffrous ac yn frawychus, ond i’r cyn-fyfyriwr o Goleg Gŵyr Abertawe, Hayley Szymonski, roedd yn ddechrau gyrfa greadigol a fyddai’n ei harwain i galon diwydiant dylunio Prydain.

A hithau erbyn hyn yn Bennaeth Dylunio yn Corgi Socks – brand moeth sydd ag enw da ledled y byd – sgwrsion ni â Hayley i ddysgu sut y gwnaeth ei hamser yng Ngholeg Gŵyr Abertawe lywio ei siwrnai, cael ei chyngor i bobl greadigol sy’n awyddus i ddilyn ei hôl troed, a chael cipolwg ar y brand sy’n cael ei garu gan y Teulu Brenhinol.